المجلة المنتدى التحكم التسجيل اتصل بنا

المنتدى العام تجد هنا المواضيع العامة والتي لايوجد لها اي صلة باي منتدى اخر هنا

إنشاء موضوع جديد  إضافة رد
 
أدوات الموضوع
  #1  
قديم 20-05-2014

الملف الشخصي
تاريخ التسجيل : Sep 2009
الجنـــــــــــس : male
مكان الإقـامـة : Egypt/Tanta
المشاركـــــات :  7,325
افتراضي موضوع شهواني مثير للغرائز، مفاجأة، ادخل بسرعة





حسناً، لأحذو حذو دكتور احمد خالد توفيق فى جذب قدر لا بأس
به ممن يهتمون بالمواضيع الشهوانية المثيرة للغرائز
موضوع شهواني مثير للغرائز، مفاجأة، ادخل بسرعةموضوع شهواني مثير للغرائز، مفاجأة، ادخل بسرعة

بصرف النظر عن كل ما يحدث..
وبصرف النظر عن هل انا مؤيد أم معارض لما يحدث..
وبصرف النظر عن نفسى وعن معاركها..
وبصرف النظر عن مصر وعن أي دولة ..
وبصرف النظر عن العلم، والعلماء، وآخر الاكتشافات والاخترعات وآخر النظريات
والمعادلات..
وبصرف النظر عن المريخ
وبصرف النظر عن كوكب كبلر-22بي الشبيه بالارض اللى ان شاء الله لو فكرنا نسافرله هنموت فى السكة قبل ما نوصل
وبصرف النظر عن كل شيء ... مؤقتاً.. مؤقتاً شوية بالله عليكم .. خلينا نخرج
من المشاكل والهموم شوية.


..هنا فى هذه البقعة حيث عاصرنا العديد والعديد من المواقف والأحداث، وعلقنا
عليها وشبعنا من التعليق عليها
ولكن ...
الآن يحدث أفجع الأحداث وفى ظل وجود المنتدى، ولا احد يعلق!


لا، لا، انتظر..
أنت فهمتنى غلط، لم أقصد بـ "أفجع الأحداث" الأحداث السياسية والمجازر والدماء
التى تراق والشباب الذى يعتقل والشباب الذي يهج من هذا البلد، هذه ليست
موضوعاتنا الآن فى هذه البقعة - أحب هذه الكلمة جداً - البقعة، كرر معي ثانيةً،
البقعة .. البقعة .. البقعة
موضوع شهواني مثير للغرائز، مفاجأة، ادخل بسرعة حسناً، أعتقد أنك حفظتها موضوع شهواني مثير للغرائز، مفاجأة، ادخل بسرعة


ما قصدته من أفجع الأحداث، هو الصحراء التى حلت على منتدانا الغالي العريق
العظيم الشامخ ، كفى مدحاً - لا أحب المدح وقت الجد -
منذ ثورة 25 يناير وكأن لعنة ما قد جائت من سفر بعيد وسكنت هذا المنتدى
اذ نجد يوماً بعد يوم اختفاء مشرف هنا، واختفاء عضو هناك،، وتوالى هذا
الاساس حتى الآن، أخذ الاعضاء والمشرفين فى الاختفاء واحداً تلو الآخر، ولا
أحد يعلق، ولا احد يسأل، ولا أحد من هؤلاء المختفيين يعود ليطمئنا على نفسه
وليذكرنا بالماضى الذى كان، وبعشرة ال كام سنة اللى قضاهم معانا،

وليذكرنا بالذكريات الجميلة التى نحن الآن فى أشد الحاجة الى أن نستعيدها، الى
جو الالفة، الى جو النقاش المفعم بالحيوية والتفائل، الى جو الاخوة والمحبة ونشر
البسمة على الوجوه. والسؤال على بعضنا البعض. الى كل جو جميل ورقيق
عاصرناه فى السنين الاخيرة قبل الثورة.

هل أبكى على الذى كان؟ أنا اعرف اننى لا أستطيع البكاء بسهولة، لكن حاولت
فى احدى المرات وكان البكاء وقتها عبارة عن حزناً من الداخل، وما أدراك ما
ذلك الحزن، حيث يصيبك باكتئاب لبضع ليال حتى تنسى ، وينتابك شعور اللاشعور،
وتضرب ميت كف على كف، وتتحسر على أيام ما كان المنتدى فى عز نشاطه
وحيويته. وتفتكر أجمل ناس عرفتهم وعشت معاهم وحبيتهم وحبوك .. كل ده
حصل فى نقطة من بحر النت، مكان صغنطوط اسمه "منتديات كذا ميزا".

وتفتكر شكل المنتدي
تفتكر شكل الأجواء ورمضان خصوصاُ
نفسك تهف على كذاميزا زمان ، من مجرد ما تسمع اغنية كنت بتسمعها اياميها، فتقوم الاغنية دى تفكرك بالايام دى ..
فتنغص عليك باقى يومك، ولو حد دمعته ف عينه هتلاقيه عيط.

انا نفسى اعيط على الايام دى، يمكن ارتاح وانساها واقطع الامل خالص ومتجيش فى طريقى تانى، وابص للاهم منها والأولى.

كذا ميزا فى يوم من الايام كانت أولوية بالنسبالي - فى البداية من كل شيء - بما انى كنت صغير وقتها - عرفت كذا ميزا فى وقت صعب ، اتعلقت جدا بالناس اللى فيه
حبيتهم وحبونى
ساعدتهم وساعدونى
اتخانقت معاهم واتخانقوا معايا :d
وبرجع دلوقت اتشمشم على حد منهم واعتذرله واستسمحه يرجع من تانى، مش
مهم اللى فات ، ننساه ونرجع تانى حبايب
طلبت من الناس اللى زعلتهم منى، انهم يسامحونى، ونتجمع تانى.
لكن يبقى الحال على ما هو عليه، مفيش حد بيدخل

دلوقت بقى
انا عامل الموضوع ده
علشان
تقريبا 99.9% من الاعضاء والمشرفين مدخلوش بقالهم فترة كبيرة ومش بيدخلوا مؤخراً
فى منهم آخر نشاط ليه كان من سنة، واللى من سنتين واللى من 3 واللى من 4 سنين واللى من 5 سنين.


محدش يقولى الناس مشغوله، ده مش جديد عارفين ان الناس مشغولة، الكل مشغول، فين الجديد؟!، من يوم ما اتولدنا واحنا مشغولين
من أيام ما كنا بندخل المنتدى باستمرار واحنا كنا مشغولين! وكنا بنقدر نقطع 5 دقايق او ربع ساعة من اليوم ونيجى شوية هنا.

محدش يقولى الظروف اللى بتحصل فى البلد
كان فى دايما ظروف موجودة وكنا بندخل ونتواجد واعتقد ان اي ظروف هي اكبر سبب ممكن تخلينا ندخل علشان نتناقش فيها بهدوء بدل مناقشات الفيس زفت بوك المملة الكئيبة.

انا عارف ان 90% من الصحراء اللى حلت على المنتدى سببها هو الفيس زفت بوك، فأرجوكم الرحمة، وافتكروا المنتدى ده ،
افتكروا المنتدى ده ، افتكروا المنتدى ده، وسيبوكوا من الفيسزفت وتعالوا هنا شوية. موضوع شهواني مثير للغرائز، مفاجأة، ادخل بسرعة
انسوا المشاكل اللى كانت، انسوا الخلافات، وانسوا المواقف المحرجة، انسوا كل حاجة وحشة، افتكروا الجميل بس، وتعالوا نبدأ من جديد. ومفيش مشكلة لو حد حب يعمل عضوية باسم تانى بس المهم يرجع ولو حتى معرفناش هو مين زمان.

وافتكروا ان كل واحد فى ايديه القرار.


انا مش عاوز اطول اكتر من كده

بس رسالة اخيرة

ولمن يهمه الامر

لو عندك حنين للى فات ... ارجع
فى ناس لسه بتدخل، في شوية أمل اننا نتجمع تانى، وننسى شوية من قرف اللى بيحصل.
فى ستين ألف داهية التكنولوجيا اللى تكون سبب فى تفرقة الناس وسبب فى انهم
يزعلوا من بعض. فى ستين داهية التكنولوجيا اللى بتستحوذ على الناس.

فى ناس محتاجة للمة زمان.


كفاية كده.

نقطة.




l,q,u ai,hkd ledv ggyvhz.K lth[HmK h]og fsvum

  #2  
قديم 20-05-2014

الملف الشخصي
تاريخ التسجيل : Sep 2009
الجنـــــــــــس : male
مكان الإقـامـة : Egypt/Tanta
المشاركـــــات :  7,325
افتراضي رد: موضوع شهواني مثير للغرائز، مفاجأة، ادخل بسرعة

up



  #3  
قديم 22-05-2014

الملف الشخصي
تاريخ التسجيل : Mar 2008
الجنـــــــــــس : male
مكان الإقـامـة : مصر
المشاركـــــات :  3,255
افتراضي رد: موضوع شهواني مثير للغرائز، مفاجأة، ادخل بسرعة

اقتباس:
المشاركة الأصلية كتبت بواسطة devo مشاهدة المشاركة

الصحراء التى حلت على منتدانا الغالي العريق
العظيم الشامخ ،
صحرااااااااااااااااااء رهيبة مفاجأة يعني المنتدي كان ابتدي يبقي فيه حراك الي حد ما لكن اعتقد ان دي فترة امتحانات بالاضافة الي قلة الحماس في ظل هذا الشكل الصحراوي الغامق
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:06 AM.


vBulletin® v3.8.8 Alpha 1, Copyright ©2000-2019
جميع الحقوق محفوظة لمنتديات كذا ميزا
تحميل العاب كاملة 2013 تحميل برامج كاملة 2013 تحميل نسخة ويندوز تحميل خطوط جديدة 2013 العاب موبايل جديدة 2013
تحميل العاب 2013 وداعا لقطع النت بوستات حب كلام عتاب اكواد كول تون موبينيل 2013
تردد قناة الناس رسايل صور فلانتين تحميل لعبة gta san andreas اتارى زمان
نكت على البنات الحمل في المنام تحميل لعبة سبايدر مان كلام رومانسى حزين تحميل فايرفوكس 2013
مصراوي جيكس نكت قبيحة تحميل لعبة ميدل تحميل لعبة سبايدر مان 2 نسخ ويندوز 2013

Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110