المجلة المنتدى التحكم التسجيل اتصل بنا

إنشاء موضوع جديد  إضافة رد
 
أدوات الموضوع
  #1  
قديم 05-10-2011

الملف الشخصي
تاريخ التسجيل : Oct 2008
الجنـــــــــــس : male
مكان الإقـامـة : egypt
المشاركـــــات :  11
افتراضي ربنا يسعد اللى يفتح موضوعى . بالله عليكم

[سلام عليكم ورحمة الله
انا مشكلتى تتلخص فى : انا خطب بنت عمى من 9 شهور وكاتب كتابى من 3 شهور انا عندى 25 وهيا 19 سنة قبل ما اخطبها كنت بعزها زيادة عن اللزوم دون بقية اولاد اعمامى كنت برتاح ليها وكن ناوى اخطبها بس لما تكبر شوية بس اكتشفت من اختى ان ليها علاقة بواحد تانى من حارتهم فكنسلت الموضوع وخطبت انا واحدة تانية اخت صحبى بس ما حصلش نصيب وسيبنا بعض . بعد كدة لقيت بنت عمى دى بتحاول توصلى انى عايزانى وبتحبنى بطريقة او باخرى المهم سمعتلها واتكلمت معاها وكنت انا لسة طالع من علاقة تانية فاشلة فحسيت انى بحنلها تانى وسالتها هيا عن الكلام اللى اختى قالتلى عليه قالتى انا نسيت الكلام ده وكانت مرحلة وعدت . بصراحة انا قلتلها خدى وقتك وما تتصرعيش وانا كمان هفكر . المهم بعد تفكير طويل انا شفت ان الموضوع عادى يعنى ما فيش فيه مشكلة واهى بنت عمى وانا كنت معجب بيها من زمان وهيا يتيمة الام ( والدتها توفت وهيا عندها 7 سنين وبعدين ابوها اتجوز واحدة تانية وبعدين توفت بعدها ب 6 سنين وبعدين اتجوز تالت مرة ومرات ابوها عايشة معاهم حالا )المهم قرينا فاتحة وبعدين يوم تنحى حسنى مبارك كانت الشبكة بصراحة كانت مبسوطة على الاخر وطايرة من الفرح لدرجة ان ممكن اقول انها كانت بتعشقنى . ملحوظة (هيا كانت فى 3 ثانوى وحالا فى اولى كلية ). المهم دخلنا فى شهر اربعة لقيت تغيير عليها وحياتها كئيبة ومش مبسوطة وكلامها ما فيش فيه حب ولا عاطفة وناشف كدة .سالتها مالك قالتلى مضايقة شوية ومخنوقة المهم اتناقشت معاها لغاية اما عرفت انها حالا حاسة بفتور نحيتى ومش حسة انها بتحبنى وان العلاقة القديمة بتاعتها ابتدت تفكر فيها .انا فكرت بعقلانية واستحملتها لانها فى الاول والاخر بنت عمى المهم قولت لابوها على الكلام ده فقالى انسى اللى هيا قالتهولك ده لسة صغيرة مش عارفة مصلحتها وبعدها بيومين لقيتها بتكلمنى وبتقولى انا اسفة دا كان شيطان وما كنتش عارفة انا بقول ايه وسامحنى وانا عارفة انى سببتلك جرح كبير . فانا قلت ياعم دى لسة عيلة ودماغها صغير واللى كان مخلينى متمسك بيها اوى ان انا عارف انها بتعشقنى مش انا اللى حاسس بده كل اللى حوالينا حاسين بكدة وبيقولو ربنا يهنيكو ببعض . المهم عدى شهر و 10 ايام اتكررت المشكلة تانى لدرجة ان انا طلبت من عمى ان احنا نفض الموضوع احسن . فابويا لما سمع الكلام ده راح ليها البيت وبيولها خير يا بنتى قالتله والله يا عمى انا مش عارفة مالى غصب عنى بحس ان انا مش انا . الموضوع اتلم تانى واللى صبرنى برده المشاعر اللى بينا والحب اللى بينا وكل حاجة حلوة والله لو تشوفونا تقولو قصة حب تاريخية .المهم امتحنت الثانوية وبعدين كتبنا الكتاب فى شهر 7 وكان كتب الكتاب ده عشا ن نبقى على حريتنا وابقى داخل طالع براحتى وبينى وبينكم عشان اتاح من المشكلتين الى عدو دول المهم توالت الايام وبرده زى السمن على العسل واكتر والله لدرجة انى ما كنت بقولها الا يا مراتى وبتبقى فرحانة اوى بالكلمة دى . من 5 ايام حسيت برده بنفس الفتور وان حالتها النفسية وحشة فكلمتها فقالتلى ما تكبرش الموضوع هتعدى ان شالله هيا لسة داخلة الكلية جديد فقالتلى مش يمكن جو الكلية يفكنى شوية ولاتزال على هذا الحال لحد حالا ( الحالة دى لما بتجيلها بتقعد معاه من (8 - 10 ) ايام . ( والله العظيم انا واثق مليون المية انها مش بتحبنى بس لا بتعشقنى بس هيا نفسها مش عارفة ليها بتبقى كدة ) يمكن عشان بيبقى بينها وبين مرات ابوها مشاحنات من وقت للتانى ده بيخليها كدة . (ملحوظة برده عشان تقدرو تفيدونى هيا هوائية بعض الشئ).السؤال الان ؟ هل اخلينى جنبها عشان تعدى المحنة دى ولا ابعد عنها بحيث لما تحس انى بعيد عنها تفوق وترجع تانى وعلى راى المثل ابعد حبة تزيد محبة . انا مشس عارف افسر حالتها دى ازاى ؟ازاى تبقى بحالة حب وعشق وبعدين تقلب لفتور ولا مبالاة .( ملحوظة موضوع العلاقة القديمة بتاعتها دى خلاص انتهت من زمان ). برده فيه ناس هيقولو خدها مكان برة البيت تشم هوا بواقع تجربتى قبل كدة مش بينفع معاها . وفيه ناس تانية هيقولو هاتلها هدية او ورد برده ما نفعش قبل كدة . هل اصبر وهيا فترة هتعدى مع نفسها ولا ايه يا جماعة . لما ببعتلها رسالة هيا مش بتبقى عايزة ترد حاسة انه تقيل عليها الكلام . ممكن يكون حد حاسدها ولا عمل ليها حاجة ؟
شكرا على استما عكم



vfkh dsu] hggn dtjp l,q,un > fhggi ugd;l

  #2  
قديم 06-10-2011

الملف الشخصي
تاريخ التسجيل : Sep 2009
الجنـــــــــــس : male
مكان الإقـامـة : EGYPT
المشاركـــــات :  162
افتراضي

السلام عليكم و رحمه الله و بركاته

أخي الحبيب ... ازي اخبار حضرتك ...
بصراحه انا قريت الموضوع و حسيت اني لازم اقول رأي فيه و علي الرغم اني من عايش في حاله اجتماعيه تختلف علي اللي انا عايش فيها الا ان الشهامه و الرجوله ابدا مش تتغير
و انا بقولك الكلام دا بإعتبار اني اخوك الصغير بس حاسس اني ممكن اساعدك
--------------------------------
أولا :: من كلامك انتو ناس بسطاء ( ودا مش عيب ) يعني مثلا هيا ساكنه ف حاره و ادت لنفسها فرصه انو واحد جرانها يتكلم معاها و حب و الذي منه دا ... و كمان ماكنش ليها ام يعني ف الاصل و و بعدين شهدت موت زوجه عمك و كمان زوجه عمك الجديده من واقع كلامك انها مش كويسه معاها
ثانيا :: أنتا راجل عرفت تكون نفسك و دا نادر و قدرت تدخل البيت من بابه حتي لو كان الوالد و عمك عاملين اعتبار ليك و مساعده دا برضو مش يمنع انك راجل و شايل مسئوليه
ثالثا :: انتا عشت قبل كدا ف اكتر من علاقه مع واحده و انتا كل اللي طالبه من ربنا انك مش تفشل من الاول جديد خصوصا انك مش بتحب الفشل و كمان و اللي مصبرك اكتر انها بتحبك

رابعا :: شوف يا اخي انا وجهت نظري مش ممكن تعجبك قوووووي

1) اعتقد انك اتسرعت شويا ف مسأله الجواز من بنت عمك دي عشان فرق السن ... و بعدين انتا قدام واحده ادت لنفسها حريه تكلم ابن جيران و كدا كدا و هيا طالعه و هيا نازله اكيد بتتسط فيه فأكيد أي ذكرا ممكن ترجعلها
2 ) كمان الشخصيه اللي انتا حكيت عليها دي ممكن اي ولد شاب ف الجامعه يعرف يسبها بكلمتين خصوصا انتا عارف جو الجامعه و اللي مش لاقياك فيك ممكن تدور علي حد تاني تلاقيه فيك
3 ) الانسانه دي فقدت حنان الام و كانت عاوزا حب تتعوض عنه فممكن تلتمسلها نوع من العذر بس بسيط جدا تبرر ليها بيه انها تدور علي الحب .
4 ) مش عارف بالنسبه انها بتحبك و بتموت فيك الموضوع فيه نظر شويا ... ع فكرا ان كانت بتعشقك زي لما انتا بتقول ... كنت انتا اول واحد هيا تروح تترمي في حضنه و تحكيله علي اللي هيا مضايقه منه مش تسيبك تلف حولين نفسك و كمان لو كانت شرياك من الاول تروح تدور و هيا ف ثانوي او قبلها ع ابن الجيران و يحبوا ف بعض و بدل لما تكون ندامنه قووووي و تخليك تحس انها كانت مذنبه اخر حاجة انتا بتقول عادي الموضوع اللي فات جه فتره و اتجدد و كمان ابوها اللي هوا عمك سيبها كدا اوك لما انتا اشتكتله بدل لما دمه يتحرق و يقلب عليها و ساعتها انتا اللي كنت دافعت عنها قابل الموضوع عادي خالص ف تصرف عمك ف حد ذاته متسفز
5 ) ما تعتدتش علي كلام الناس و انها بتحبك و الذي منه دا لالالالا المهم تتيقن من جواك و بتصرفاتها معاك انها بتحبك و الحب دي كلمه كبيره قووووي و انا عارف انك شم عاوز تخسرها او بمعني ااصح تخسر ناس كتير و تحس بالفشل من تجربه هتسيب علامه ف حياتك بس المفروض ماكنتش اتسرعت انا حسيت انك واخد الموضوع و اقلب و السلام المهم اتجوز و ارتاح و نسيت بكرا و بعده اللي لازم تعمل حسابه
6 ) طب ايه الحل يا عم الحج ؟؟؟؟ حرام عليك عقدتني يا اخي ايه اللي جابك عند الموضوع دا اطلع برا ههههههههههه عارف انك بتقول كدا بس المهم ... انا شايف ان الحل يتمثل ف الاتي ::

أ ) أبدأ معاها صفحه جديده و خليها تقدرك يعني لازم هيا من جواها تفهم انك اختاراتها علي الرغم من غلطلات فيها كتير و انتا سامحت و حبيت و اخلصت و انو مش بالساهل انها تلاقي حد شاريك زيها . و المفروض احتراما لك انها تحسسك بالندم علي اي تصرف غلط صدر منها بس كل دا من خلال المعاتبه بالحنان و الحب و اوعا تكون قاسي عليها

ب) حاول تراقب تصرفاتها ف الجامعه شويا من غير لما هيا تحس الموضوع دا و تشوف ماشيه مع مين و خلال اكتر من يوم ... ساعاتها الموضوع دا ممكن يحل الغاز كتير

ج ) علمها يعني ايه الحب حسسها بيه خليها تكون مأمنالك تشكيلك و انتا مش تقاطعها اسمعها لحد الاخر ... و ابتسم و انتا بتسمحها ابتاسمه حنيه مش ابتسامه فاتح بقك 3 سم و بجد لو حباك هتحي كل حاجة مش هيكون كلامها مبهم و انا مش عارفه ايه اللي حصلي و الكلام الفارغ دا ... لالالالالا ... هيا هتحاول توصلك كل حاجة ... و حسسها انك حبيبها مش جوزها و خطيبها و الكلام الرومانسي دا

د ) ما تحاولش تفتح مشاكل شخصيه ليك ف الشغل او اي مكان و انتا معاها مؤقتا الفتره دي .

و ) غير في اسلوب التعامل معاها شوف مثلا هيا بتحب ايه هيا دلوقتي مراتك و انتا براحتك يعني انجشها امشي براحتك معاها ... فأجاها ... و الله اسمع كلامي فاجأها بتصرف بتموت فيه اعرف من اي حد هيا بتحب ايه ساهل قوووي تعرف عارف لو بتحب هيا الكشري اعزمها ع كشري و قولها بحبه ... بتحب الشكولاته اشتريلها شوكلاته كادبوري و روح اديهالها و هيا بتاكلها قول يا بخت الشكولاته ... يا اخي حسسها بالحنيه و حسسها بنفسها ... و اللي اهم من دا كله انك تعيش معاها دور الام شويا الفتره دي

ك ) لو مضايقم من حد و عاوزا تشتم و تدي عليه سيبها براحتها مش مهم المهم بس تطلع اللي جواها

بس المهم خد بالك من تصرفاتها ف الجامعه و اعرف ايه النظام معاها برا ... و اعمل معاها اللي قوبتلك عليه و مش تستعجل و لازم لو هيا بتحبك تكون انتا الامان ليها و مش هبالغ اكتر من ابوها و اي حد تشكيلك انتا و بس و حسسها ان انتا مهتم بيها قووووي

حاول تفسحها و تسألها عن المذاكره و حسسها ان نجحها من نجاحك

لو مش لقيت استجابه و تصرفاتها ضايقتك يبقا كفايه لحد كدا و زي ما دخلنا بالمعروف نطلع بالمعروف و توقف العلاقه لحد كدا احسن انك تشرب المر بعد الجواز منها ...

و ربنا معاك

اني احبك في الله
  #3  
قديم 06-10-2011

الملف الشخصي
تاريخ التسجيل : Sep 2009
الجنـــــــــــس : male
مكان الإقـامـة : EGYPT
المشاركـــــات :  162
افتراضي

هناك بعض الاخطاء الاملائيه سوري لاني كتبت بسرعه

يعرف يثبتها مش يسبها سوري

ف رقم 5 اقصد ما تعتمدش علي كلام الناس

انك مش عاوز تخسرها ف غلط برضو ف نمره 5
  #4  
قديم 07-10-2011

الملف الشخصي
تاريخ التسجيل : Sep 2009
الجنـــــــــــس : male
مكان الإقـامـة : EGYPT
المشاركـــــات :  162
افتراضي

ايه الاخبار يا اخي

طمنا عليك


  #5  
قديم 09-10-2011

الملف الشخصي
تاريخ التسجيل : Oct 2008
الجنـــــــــــس : male
مكان الإقـامـة : egypt
المشاركـــــات :  11
افتراضي

شكرا اخى . الحمد لله العملية رجعت احسن
والله العظيم بتحبنى وبتعشقنى يمكن انا اسلوبى وصلك انها ممكن ما يكنشى حب . لا اؤكد لك انه حب وحكل حاجة حلوة
تشخيصى للعملية كلها : انها بيجى عليها فترة بتتخنق من نفسها وكل حاجة فى حياتها سواء البيت او غير البيت وده فى الاخر بيأثر فى الاخر علينا احنا الاتنين
وعشان هيا بتتعامل ببراءة اطفال مش بتعرف تفصل بين ده وده وزان شاء الله هتكتسب الامور دى بالخبرة فى الجامعة
عاوز اقول برده انها لسة صغيرة . ده مش دفاع عنها لكن انصاف للحق
فى الاخر بقولك شكرا من قلبى وربنا يسعدك فى حياتك يا رب
  #6  
قديم 09-10-2011

الملف الشخصي
تاريخ التسجيل : Sep 2009
الجنـــــــــــس : male
مكان الإقـامـة : EGYPT
المشاركـــــات :  162
افتراضي

ربنا يخليك اخي الغالي ::

ادام انتا واثق انها بتحبك و كلو ف السليم و برضو بخمسين و قشطه يا روابي ... يبقي الحل يتمثل في الاتي ::

1- الواحد لما بيتخنق من نفسه و بيكون مش طايق حد حوليه بيروح لمين شكيله ... مش بيروح للي بيحبه و بيحس معاه بالامان و الحب و كل حاجة حلوه يبقا هيا المفروض اول حاجة تعملها تجي تترمي ف حضنك عشان انتا اللي طتبطب عليها و تدفيها بحنانك أومال احنا بندور علي الحب ليه يا عزيزي ... بس اهم حاجة يكون وفقا للدين و العرف زي لما حضرتك عملت كدا بالضبط
2- اهم حاجة ودا دورك الفتره اللي جايه انك تكون بقا الشخص اللي بتحس معاه بالامان و تحكيله علي كل حاجة ... ضروري ضروري خليها تحس يا اخي بالاحساس دا معاك ... اهم حاجة لما تكون مخنوقه تجيلك ... تجيلك تحكيلك مش تطلع خنقتها عليك
3- ما تخليش انها صغيره و انت مغرم بيها و عارف انها بتحبك انك تلتمسلها الاعذار علولا لالالا ... خد بالك منها مش كل حاجة لسا صغيره بس طبعا مش قصدي انك تعيش عليها دور سي السيد ...
4- اهم حاجة مش تطلع خنقتها عليك ... لالالا ... المفروض تروح خنقتها معاك يا ريت تفهم النقطه دي ... دي تبينك مدا حبها ... هيا مش بتعرف توازن الامور قولها انا بضايق ن كذا و كذا و يارت مش تعمليه تاني بس و شوف هيا لو حريصه علي مشاعرك عمرها ما هتعمل كدا

أخيرا بتمنالك السعاده

أســـــــــــــــــــــــامه منير

ههههههههههههههه
ههههههههههههههههههه
إضافة رد

الكلمات الدلالية (Tags)
موضوعي, اللى, بالله, يسعى, يفتح, ربنا, عليكم

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:22 PM.


vBulletin® v3.8.8 Alpha 1, Copyright ©2000-2019
جميع الحقوق محفوظة لمنتديات كذا ميزا
تحميل العاب كاملة 2013 تحميل برامج كاملة 2013 تحميل نسخة ويندوز تحميل خطوط جديدة 2013 العاب موبايل جديدة 2013
تحميل العاب 2013 وداعا لقطع النت بوستات حب كلام عتاب اكواد كول تون موبينيل 2013
تردد قناة الناس رسايل صور فلانتين تحميل لعبة gta san andreas اتارى زمان
نكت على البنات الحمل في المنام تحميل لعبة سبايدر مان كلام رومانسى حزين تحميل فايرفوكس 2013
مصراوي جيكس نكت قبيحة تحميل لعبة ميدل تحميل لعبة سبايدر مان 2 نسخ ويندوز 2013

Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110