المجلة المنتدى التحكم التسجيل اتصل بنا

إنشاء موضوع جديد  إضافة رد
 
أدوات الموضوع
  #1  
قديم 11-08-2011

الملف الشخصي
تاريخ التسجيل : Apr 2011
الجنـــــــــــس : female
مكان الإقـامـة :
المشاركـــــات :  134
افتراضي الحب الصامت ؟


الحب الصامت معنى حوليه معاني كثير خفية الحب الصامت
عاوزين نوضحها :))






هو لو حبيت واحد من غير ما أكلمه يبقى غلط ؟



مش عارفة هل مجرد إستمتاعي إنى حسه إن فى شخص بيحبنى
أو إنى بحب شخص من غير كلام فيه مشكلة ؟؟
أنا مش هعمل ذنوب مجرد خيال جميل بينى وبين نفسي ؟



طيب لو دعيت ربنا إنه يكون من نصيبى في مشكلة !



طيب النقطة دى محتاجة توضيح عشان بيبقى فيها لبس
لإن فى ناس كثير متخيلة إن كل المشكلة فى التصريح والكلام وأى شىء تانى يبقى مفهوش مشكلة وحلال ...

فعاوزين نتكلم بالتفصيل

مجرد الشعور بالميل القلبي لشخص لا تلامي عليه

ولكن بشرط



1-غصب عنك = بدون تفريط ولا سبب منك
في عدم غض بصر أو إختلاط وكلام مالوش
الحب اختياري طالما تحكمت في مداخله ... واجباري مالوش دفع ان تم التقصير في منع أسبابه ..

2- لا يصدر أى فعل أو قول نتيجة الإحساس ده

- فمثلا ًمتابعيش أخبار الشخص
- ولاعينك تلاحقه لإنك مأمورة بغض البصر
- ولا تحاولى تلمحى بأى شكل له (فى شباب يقول هقولها عشان تستناني وبنات تقول هلمحله بحيث يبقى عارف :)
- وبردو متروحيش تحكى لصحباتك ولا لأى حد
حتى لو ميعرفش الشخص
- ومتسترسليش مع الخواطر وتفضلى تفكرى فيه وتحلمى



واحدة تقول مشاعر إيه دى الى هحبسها من غير لا تلميح
ولا تصريح ولا أحكى لحد عنها وكمان أجاهد نفسى فى التفكير الحب الصامت

حب إزاى بس من غير سرحان وعد نجومالحب الصامت !
ده حتى الشىء لزوم الشىء (الهلال والنجمة )الحب الصامت

طيب ما هو ده الى بنقوله إن الموضوع مش سهل والوقاية خير من العلاج الحب الصامت
لإن فى ناس فاكرة خلاص مش هكلمه يبقى أعيش حياتى أفكار وسرحان وأحلام !

**** لكن أحنا محاسبين على أوقاتنا
وهيسأل الإنسان عن " عمره فيما أفناه ؟"

*** وقلوبنا هى محل نظر الله

***ومعلوم أن أي حب يصد عن طاعة الله ويبعد الإنسان عن ربه فهو مذموم
و إن كان مباحاً فى أصله كحب الأم لطفلها مثلا و الزوج لزوجته

قال تعالى{يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ وَإِنْ تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَحِيمٌ} [التغابن : 14]

****ومعلوم أن كل ما أدى لحرام فهو حرام
مش هتعرفي تغضي بصرك ولا متحكيش
وتبع نظرية التطور الطبيعي للحاجة الساقعة :) هتبدأ التجاوزات خطوة بخطوة
فالي خارج عن إرادتك لا تلامي عليه و لا يكلف الله نفسا إلا وسعها

و لكن استرسالك مع هذا التفكير بالساعات بإرادتك :)



وجع قلب على الفاضي الحب الصامت

فأول حاجة : أنتي بتفسدي قلبك لإن الموضوع ده هيأثر بالسلب الشديد على علاقتك بربنا

ثاني حاجة : بتعذبي نفسك بالتفكير فيه وتزين صفاته في عينك
في حين إن في الحقيقة الصورة الي رسماها غير مكتملة ووممكن الشخص يكون فيه من العيوب الي يخليكي لو أتجوزتم تكرهي حياتك الحب الصامتوممكن يكن كويس جدا ورائع جدا بس مينفعكيش
ومش هتتفقوا الحب الصامت

ثالث حاجة وأهم حاجة : لن تنالي إلا ما كتب الله لكي
شغلتي نفسك وعذبتيها مش هتاخدي إلا ما كتب الله لكي
فلازم تعرفي إن تعلقك وحبك وإنشغالك وسهر الليالي
وعد النجوم الحب الصامتمش هيغير شىء في قدر الله
والشخص ده لو مش نصيبك والله لو حتى بقى مبقاش حب صامت وبقى متكلم :)
ولوعلاقتكم دامت سنين وقصتكم كانت قصة روميو وجوليت بردو مش هيكون نصيبك الحب الصامت
والقصص كثير وجداً وفى ناس بتفركش يوم الفرح !!!!
وعمر ما فى حد يقدر ياخد حاجة ربنا مقدرش إنه ياخدها

طب شوفى رسولك صلى الله عليه وسلم الذي لا ينطق عن الهوى بيقول إيه ؟

( احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء لم يضروك إلا بشيء قد كتبه الله عليك ، رفعت الأقلام وجفت الصحف )

يعني الموضوع منتهي
فليه العذاب ده ! وإيه الى يستاهل ؟؟



نجى لنقطة مهمة وهى التعلق بسبب الدين الحب الصامت

شوفي الأثر ده الشيطان قال:
(أهلكت بني آدم بالمعاصي فأهلكوني بالاستغفار .. فزينت لهم الحرام .. فهم يعصون ولا يستغفرون ويحسبون أنهم مهتدون )

فالشيطان مش هيسيب حد في حاله :)
يعني البنت تبدأ تلتزم فالصورة الى رسمتها فى خيالها بتتعدل لشخص متدين وده طبيعي وعادي
لكن المشكلة إنه لما تلاقى حد شبه حلمها لتدينه وأخلاقه تبدأ تتعلق بيه وتقنع نفسها إن تعلقها ده مباح لإنه لسبب ديني !

طيب أنتي حاسة أنك بتحبيه عشان دينه = (حب في الله) عشان هو متدين وأخلاقه عالية و... و... و

طيب اتفقنا أنه عشان نحل المشكلة لازم نقف الأول ونتفق أنها محتاجة حل وتكون الرؤية واضحة

طالما دخل في الحب كلمة (الله) .. يعني بقى دين ...
فهل الحب ده أساسه (طاعة الله) .. بيزيد بقرب المحبوب من الله (اللي حبتيه فيه) وينقص ببعده عنه (طالما كان منشأ الحب هو الطاعة لله) ؟

أم أن القرب من الله والبعد عنه مش مقياسا والمقياس هو الهوى ؟

لأنه لو على مقياس الحب في الله
كنتي هتحبي كل شاب ملتزم قرأتي له كلمة على الانترنت
وكل شاب ملتزم من جيرانك توسمتي فيه الخير الحب الصامتالحب الصامت

لكن المشكلة أن برضو في حتة هوى عايزين نطلعها
فأنتي (1)عارفة الله (2) وبتحبي انسان .. وعايزة تتخذي بين الطريقين سبيلا وتجمع بين الاتنين بأن تحبيه على شريعة الله
وده طبعا مش موجود في الشريعة.

إنتي عارفة إن قلوبنا لابد أن يكون حبها كله لله و أى حب بعد ذلك يكون تابع لحبك لله فهل ميلك الآن و حبك تجاه هذا الشخص هيكون تابع لحبك لله..؟؟؟


وكمان في حاجة خاصة بالحب في الله
1-أنه لن يؤدي إلى شىء يغضب الله ولا يلهي عن الله
من نظرة أو خاطرة أو كلمة
2- إن ربنا يرضى عن الحب ده ويديكي عليه ثواب ؟!!
فهل ده ممكن يحصل في حالة حبك لشاب
أكيد الإجابه لا . يبقى متبرريش لنفسك واعرفي إن في حاجة غلط



طب بصى هدعي ليل ونهار إنه يكون من نصيبي الحب الصامت

لو عاوزة تدعي أدعي بس خلى بالك أنتى ممكن تكوني بتدعي بشر !
لا يفضل أبداً التخصيص بشىء معين من أمور الدنيا فى الدعاء
فمثلا واحد عمال يدعي يارب اتجوز فلانة ،أو يارب اشتغل فى الشركة الفلانية
فيتجوز فلانة وبعدها يندم ويشتغل في الشركة فتحصله مشاكل كبيرة مثلا !

فلازم نبقى عارفين إننا لا نعلم الغيب ولا نعلم الخير من الشر
ولا نعلم ما يصلحنا وما يفسدنا

وعشان كده ربنا شرع لنا صلاة الإستخارة فى الإختيار
لإننا لا نعرف من الأساس الخير من الشر
لنسأله فيها أن ييسر لنا الأمر إن كان خيرا ويصرفه عنا إن كان شرا

***فنحن ندعو أحيانا بالشر لعدم علمنا ظنا منا أنه الخير لنا قال تعالى {وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا} [الإسراء : 11]

***ونحب أشياء أحيانا مع كونها شر ونكره أشياء مع كونها خير قال تعالى بعد ذكر القتال { وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة : 216]فادعى إن ربنا يختارلك وييسر لك الخير
ولو هو خير ربنا هيرزقك ولا لأ ربنا يصرفه عنك


دعاؤك المستمر أنتي بتأكدي لقلبك إنه هيكون لكي وبتعلقيه به أكثر وأكثر !
فادعي ربنا يرزقك بالخير ويرضيكي به
فلو فى خير هيجي ولو لأ تبقى حافظتي على قلبك

الحب الصامت





hgpf hgwhlj ?

  #2  
قديم 11-08-2011

الملف الشخصي
تاريخ التسجيل : Oct 2008
الجنـــــــــــس : female
مكان الإقـامـة : ¨°o.O IRAQO.o°¨
المشاركـــــات :  22,650
افتراضي

توبيك روعه بجد
يآ قمري

ربنا يهدي
بس ينقل للمكان المناسب
  #3  
قديم 11-08-2011

الملف الشخصي
تاريخ التسجيل : Apr 2010
الجنـــــــــــس : female
مكان الإقـامـة : °•.♥.•° On God's earth °•.♥.•°
المشاركـــــات :  5,575
افتراضي

تسلمى حبيبتى
كلامك مظبوط جدا
دمتى
  #4  
قديم 11-08-2011

الملف الشخصي
تاريخ التسجيل : Apr 2010
الجنـــــــــــس : female
مكان الإقـامـة : °•.♥.•° On God's earth °•.♥.•°
المشاركـــــات :  5,575
افتراضي

مثبت لفتره
إضافة رد

الكلمات الدلالية (Tags)
الحب, الصامت

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
جديد اغلفه لعيد الحب للتايم لاين ,اغلفه فيس بوك للاعياد ,اغلفه قلوب وورود حمراء رومنسيه 2013 Lopez صور خلفيات 2017 - صور اسلامية - خلفيات كمبيوتر 2017 0 16-09-2012 11:15 PM
صور شموع الحب 2013 ، صور شموع 2013 ، صور رومانسية للمناسبات 2013 , اجمل صور شموع 2014 Lopez صور حب 2017 - صور رومانسية 2017 0 05-09-2012 01:17 AM
الحب βẲḎ.βỞΫ منتدى الحب والرومانسية 2 04-09-2012 04:22 AM
ست طرق سحرية لنسيان الحب القديم βẲḎ.βỞΫ منتدى الحب والرومانسية 2 04-09-2012 04:13 AM
سُئلت امرأة عجوز عن الحب و ما هو معناه؟؟ βẲḎ.βỞΫ منتدى سلة المحذوفات 1 04-09-2012 03:54 AM


الساعة الآن 05:04 AM.


vBulletin® v3.8.8 Alpha 1, Copyright ©2000-2019
جميع الحقوق محفوظة لمنتديات كذا ميزا
تحميل العاب كاملة 2013 تحميل برامج كاملة 2013 تحميل نسخة ويندوز تحميل خطوط جديدة 2013 العاب موبايل جديدة 2013
تحميل العاب 2013 وداعا لقطع النت بوستات حب كلام عتاب اكواد كول تون موبينيل 2013
تردد قناة الناس رسايل صور فلانتين تحميل لعبة gta san andreas اتارى زمان
نكت على البنات الحمل في المنام تحميل لعبة سبايدر مان كلام رومانسى حزين تحميل فايرفوكس 2013
مصراوي جيكس نكت قبيحة تحميل لعبة ميدل تحميل لعبة سبايدر مان 2 نسخ ويندوز 2013

Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110