المجلة المنتدى التحكم التسجيل اتصل بنا

منتدى الهوايات والطبيعة طيور الزينة,حمام, عصافير, خيول, اسماك الزينة, حيوانات اليفه, قطط, كلاب

إنشاء موضوع جديد  إضافة رد
 
أدوات الموضوع
  #1  
قديم 21-05-2009

الملف الشخصي
تاريخ التسجيل : Apr 2007
الجنـــــــــــس : male
مكان الإقـامـة : Bélbiés
المشاركـــــات :  21,776
افتراضي siamese fish- السمكه السياميه

siamese fish- السمكه السياميه

الاسم العلمي : Betta Splendens
الأسماء الأخرى : Betta
الأسرة : Belontiidae
المصدر : وكمبوديا وتايلاند
الكبار الحجم : 3 بوصة (7 سم)
الاجتماعية : الذكور لا يمكن أن يبقى إلى جانب
العمر : 2-3 سنوات
دبابات المستوى : أعلى بمدني
الحد الأدنى تانك الحجم : 3 غالون
النظام الغذائي : عيش أفضل من الأطعمة ، وتناول الطعام ورقائق الأغذية المجمدة
التربية : Egglayer -- bubblenest
الرعاية : سهولة الوسيطة
درجة الحموضة : 6.8 -- 7.4
Hardenss : ما يصل الى 20 dGH
درجات الحرارة : 75-86 و (24-30 م)

التفرقه بين الدكر و الانتى مرا سهله
الدكر الوانو حلوه و زعنفو طويله
الانتى الوانها باهته شويه و زعانفه قصير
siamese fish- السمكه السياميه

siamese fish- السمكه السياميه

الدكر الي فوق و الانتى الي تحت

عمليت التزاوج بالصور
(اخراج البيض بالعصر)

siamese fish- السمكه السياميه

siamese fish- السمكه السياميه

siamese fish- السمكه السياميه

siamese fish- السمكه السياميه

siamese fish- السمكه السياميه

siamese fish- السمكه السياميه

siamese fish- السمكه السياميه

siamese fish- السمكه السياميه


حوض التفريخ
كلما صغر حوض التفريخ كلما سهل على الذكر السيطره على الموقف بالنسبه لتجهيز العش وتعصير للانثى والعنايه بالبيض والصغارواهم حاجه انه مايكونش حوض عريض فالعش يتهد او غويط فالدكر هو اللى يتهد من الطلوع والنزول خلف البيض او الفقس (من 25 سم الى 40 سم مناسب جدا)

المياه
المياه لازم تكون قديمة علشان المياه الجديدة موش كويسه على الفيتر وبتسبب أذى لجهازة التنفسى وكمان الفايتر اساسا بيعيش فى مياة راكدة وقدم المياه بيعطيه احساس بالامان والارتياح واحساس بالتواجد فى بيئته الطبيعيه.

يعنى ايه مياه قديمه
لو عندك جيركن كبير ونظيف املاه مياه من الحنفيه واركنه اسبوع او اتنين يبقى عندك احتياطي مياه قديمه تستعملها وقت ما تحتاجها


وفيما يلى خطوات عمليه التفريخ:

اى ذكر فايتر مكتمل النمو ووضع وحدة فى حوض ليس به تيارات مياه قويه يكون جاهز للتزاوج وبالنسبه للانثى فتكون ممتلئه البطن ويلاحظ وجود انبوب ابيض صغير كعلامه على استعدادها لوضع البيض.

التفريخ يتم فى حوض صغير الحجم زى اللى سبق ذكره وطبعا بنحاول عند تفريخ اى سمكه محاكاة بيئتها الطبيعية من درجه حرارة وتركيبه المياه ودرجه الملوحة......الخ علشان كدة لازم مياه قديمه لان الفايتر اساسا بيعيش فى مياه راكدة ومستنقعات.

درجه الحرارة المناسبه 28 درجة مئويه, وتركيبه مياه النيل من حيث الملوحه والقلويه والعسر ما فيهاش مشاكل تستاهل التدخل.

يوضع الذكر فى الحوض ولتسهيل عمليه بناء العش عليه يوضع بعض النباتات الطافيه (طبيعيه او صناعيه متفرقش) او قطعة فل او اى حاجة الراجل يبنى عش زوجيته بيها اما حجم العش فا موش مهم المهم كثافته والاهم هى كفائه الذكر وتفانيه فى رعايه اولادة.

بص باه سر حربى انا شخصيا بسميه الخطه قطه: معظم الزيجات الفيتريه بتفشل والمرحومه الزوجه لو اتكتبلها عمر بتحتاج معجزة علشان ترجع سمكه تانى لان احنا بنحطها فى الحوض بعد الذكر ما يبنى العش ودى بتكون اكثر لحظات عمره عصبيه وفى اغلب الاحيان العلقة المميته اللى بتاخدها الانثى بتكون خناق موش عمليه التعصير( نزول البيض) علشان كدة لازم الخطه قطه وهى ان احنا نحط حضانه صغيرة او دورق او برطمان فى نفس حوض التفريخ ونحط الانثى فيه يومين تلاته علشان ندوب التوتر شويه (مياه البرطمان او الحضانه تكون من نفس الحوض ولو مخرم يبقى احسن واحسن)

اول ما بناء العش يكمل واعصاب اخينا تهدا (وتعرف انه هدى لما تلاقيه بيستعرض زعانفة من غير ما يخبط فى الدورق بجانب راسه او ينفخ خياشيمه) دة معناه انه هدى وجاهز للتزاوج وفى الحاله دى بننزل الانثى فى الحوض بس برفق علشان منهدش العش.

تتم عمليه التزاوج زى ما فى الصور التاليه وهنا تخرج الانثى من 3 الى 5 بيضات(بص على الصوره 10 فى عمليه التعصير) يلتقطهم الذكر بفمه ويقوم بتثبيتهم فى العش, الموضوع دة حايتكرر حوالى 100 مره او اكثر واول ما تلاقى الذكر بعد عن الانثى او بدا يبعدها عن العش نرفعها من الحوض علشان ميموتهاش (خوفا" على عياله).

فى الفترة دى الذكر حايمتنع تماما" عن الاكل وحايقضى الوقت كله بيلم البيض اللى بيقع على الارضيه ويرجعه فى العش ويبعد اى تهديد حقيقى او وهمى (علشان كدة بلاش نستفزه بالنور العالى مثلا او نقرب وشنا من الحوض).

البيض بيفقس بعد حوالى من 24 الى 36 ساعه وبمجرد فقس البيض يترك ليك خيارين اما نسيب الذكر لغايه ماالصغار تسيبوا العش او نشيله بمجرد الفقس وانا افضل نشيله مع الفقس لان حصل معايا قبل كده ان اب حنون ومطلع 4 عشوش كامله اكل عياله كلهم بدون اى مناسبه!

بالنسبه للاكل الطحالب الخضراء والانفيزوريا مهمه جدا(سبق وشرح لنا نينجا ازاى بتتجهز برطماناتها) اما فقس بيض الجمبرى فهو ضروره علشان العش كله يعيش وكمان اللون بناع السمك يتظبط.

الولدة تتساب فى الحضانه اسبوعين بس كل يوم نشيل كوبايتين مياه ونحط مكانهم كوبايتين جداد (ميه مركونه عده ايام) بعد كده بنهايه الاسبوعين لازم الولده تتنقل بمياهها الى حوض اكبر ونزود مياه يوميا بردة بس من غير ما نشيل مياه من الحوض الجديد ولازم هنا يكون فيه فلتر بس سفنج عادى علشان ما يعملش تيار هوا قوى.

اول ما السمك بيدا يلون وزعانفة تكبر لازم نعزل الذكور عن بعض علشان ما يحصلش معركه (بيكونوا هاديين ومافيش مشاكل ومرة واحده بدون سابق انذار بتبدا حرب ضروس وبتنتهى سريعا زى ما بدات بدون اى احياء حتى الاناث واخينا المنتصر كله بيتفرم ضرب!!!!)

بالنسبه لسن التزاوج فالعامل الرئيسى فى التزاوج هو الاستعداد مش السن يعنى لو ذكر متربى فى بيئه صحيه ووفره غذاء احسن بكتير من اللى عمره اكبر بس مظلوم فى دورق صغير مثلا" وعموما انا شخصيا بافضل احط ذكر مستورد مع انثى مصرى واجمل حاجه فى الفايتر انك بنقعد تلعب بالالوان زى مانت عاوز وكمان داوقتى ظهرت سلالات زعانفها مشرشره بالكامل جميله وتفريخها سهل



siamese fish- السمكه السياميه



siamese fish- hgsl;i hgsdhldi

  #2  
قديم 23-05-2009

الملف الشخصي
تاريخ التسجيل : Apr 2006
الجنـــــــــــس : male
مكان الإقـامـة : المنصورة
المشاركـــــات :  1,834
افتراضي

شكرا على الموضوع
  #3  
قديم 23-05-2009

الملف الشخصي
تاريخ التسجيل : Apr 2007
الجنـــــــــــس : male
مكان الإقـامـة : Bélbiés
المشاركـــــات :  21,776
افتراضي

اقتباس:
المشاركة الأصلية كتبت بواسطة sm_mando مشاهدة المشاركة
شكرا على الموضوع
العفووووو يا غالى
نورتنى
  #4  
قديم 14-06-2009

الملف الشخصي
تاريخ التسجيل : May 2009
الجنـــــــــــس : female
مكان الإقـامـة : cairo
المشاركـــــات :  238
افتراضي

ميرسى كتير

عالمعلومات


تسلم ايدك *_*
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:43 AM.


vBulletin® v3.8.8 Alpha 1, Copyright ©2000-2019
جميع الحقوق محفوظة لمنتديات كذا ميزا
تحميل العاب كاملة 2013 تحميل برامج كاملة 2013 تحميل نسخة ويندوز تحميل خطوط جديدة 2013 العاب موبايل جديدة 2013
تحميل العاب 2013 وداعا لقطع النت بوستات حب كلام عتاب اكواد كول تون موبينيل 2013
تردد قناة الناس رسايل صور فلانتين تحميل لعبة gta san andreas اتارى زمان
نكت على البنات الحمل في المنام تحميل لعبة سبايدر مان كلام رومانسى حزين تحميل فايرفوكس 2013
مصراوي جيكس نكت قبيحة تحميل لعبة ميدل تحميل لعبة سبايدر مان 2 نسخ ويندوز 2013

Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110