المجلة المنتدى التحكم التسجيل اتصل بنا

صحة - طب بديل - تغذية - العلاج بالأعشاب صحة - طب بديل - تغذية - العلاج بالأعشاب - معرفة الامراض المنتشره وكيفية التعامل معها

إنشاء موضوع جديد  إضافة رد
 
أدوات الموضوع
  #1  
قديم 27-02-2009

الملف الشخصي
تاريخ التسجيل : Aug 2008
الجنـــــــــــس : male
مكان الإقـامـة : مصر
المشاركـــــات :  51
افتراضي تحليل البول( Physical proparties )

السلام عليكم ورحمة الله وبركاته
انهارد هانتكلم عن تحليل

examinationurine analysis physical

الدكتور بيطلبه ازاي

1- ممكن يقول للمريض اعملي تحليل بول أو
2-يكتب له ريكوست مكتوب فيه

Complete Urine Analysis


CUA


Urine


بول أو تحليل بول أو تحليل بول كامل

*طيب الدكتور بيطلبة ليــــــــــــــــــــــــــــ ــــــــــــــــه


1- لو المريض عنده حرقان اثناء التبول ( علشان يشوف في املاح اوصديد ولا لا
2-لو المرض عنده تقل في جنب او الاتنين مغص كلوي
3-لو بيروح الحمام بالليل كتير او بيشرب ميه كتير
**تمــــــــــــــــــــــــــ ــــــــــــــام كـــــــــــــــــــــــــــــ ـده

** بعد كده نيجي لدور المعمل في الموضوع دة


1- تجميع العينه : يفضل اول عينه الصبح ( لان تركيز كل حاجه فيها عالي ) بس يعني لو الدكتور باعته يعنل تحليل اوعي تقوله تعاي بكرة ليهرب منك ويروح معمل تاني يعني احن بنقول أفضل مش لازم
2-برضه لو تسأل المريض انت بتشكي بايه او بتحس باية من باب العلم بالشئ وللربط بين اللي حيبان قدامك تحت الميكروسكوب والحاله بتاعة المريض
3-شوف شكل العينه ( معكرة ولا لأ ) وحنقول ليه بعدين
4- تاخد العينه من المريض وتدورها في السنترفيوج من 2 -5 دقايق علشان ترسب العكارة اللي فيها .حتلاقي عنك في قعر الانبوبة راسب ويمكن متلاقيش
5-طيب لو لقيت الراسب يكون ايه
------ علي حسب لون وبعد كده فحصه تحت الميكروسكوب ---------
--- ممكن يكون واحد من الحاجات اللي حقولها-----------------
****1- أملاح امورفس يورات او فوسفات (Amorphos Urate Or Amorphos Phosphate ده برضك علي حسب الوسط يعني الاتنين تحت الميكروسكوب زي بعض لكن راسب اليورات لون بنك في الانبوبة ووسطه حمضي اما الفوسفات فبيكون لون ابيض في الانبوبه ووسطه قلوي
***2- خلايا بشرية ( Epithelial Cells ) ودي بتكون في الستات كتيرة وطبيعيه لان مصدرها من ال Urethra
//////// طبعا الكلام دا كله مقدمه /////////////////////////////ن نيجي بقه للكلام المهم
=======أول حاجه في تحليل البول هي Physical Examination
وفيه اربع حاجات مهمه
1-الحجم Volume( حجم العينه ) بس دا مهم في حالات تجميع البول/24 ساعه
2-الشفافية(Aspect) ودي اللي قولنا عليها العينه معكره ولا لا ولو معكرة معكرة جامد ولا نص نص يعني Turbid أو S.Turbid يعني Semi turbid


Physical proparties

وتالت حاجه 3-اللون Colour
طبعا اللون الطبيعي للبول اللي هو اللون الاصفر القاني Amber yellow تمام كده
ولكن لون البول بيختلف في درجات الاصفر حسب تركيز المواد الصلبة اللي فيه ( الاملاح - الصديد - الدم - الخلايا البشرية -الزلال -البكتريا .... الخ )

------------يعني ايه درجة تركيز لون البول --------يعني الفترة اللي بيتحبس فيها البول ------------
برضك يعني الفترات بين دخول الحمام ---يعني كل ما طالت الفترة بين دخول الحمام يكون تركيز البول اكتر --
-------------------------------الحالات المرضية اللي بيتغير فيها لون البول -----------

1- لو اللون زي لون المياه العاديه Watery دا بيكون غالبا في حالات السكر بنوعية
Diabetes Militus And Diabetes Insipidus

2- طيب لو اللون محمر Reddish دا غالبا بيكون في حالة وجود دم Red Blood Cells وطبعا دا بيكون سببه غالبا املاح كتيرة جدا او حصوة في المسالك البولية او التهاب في غدة البروستاتا او البلهارسيا البولية-أو في الستات ممكن تكون بسبب الدورة الشهرية .وفي بعض الاحيان في علاجات بتغير لون البول للون الاحمر ......طبعا لو مفيش حاجة من اللي قلنا عليها نسأل المريض لو بياخد علاج ولا لا .

3-طيب لو اللون مدخن Smoky دا طبعا بيكون سببة يا اما نسبة صديد عالية Pus cells او خلايا بشرية Epithelial cells او بكتريا .

4- اللون الحليب Milky دا بيكون في حالة املاح اليوراتAmorphus Urate او الفوسفاتAm.Phosphate بس خلي بالكم من لون الراسب غير لون البول نفسه

5- اللون الاسود Black دا بيكون في حالة الدم القديم او الحالة المرضية اللي بنسميها Alkapton bodies ودي حالة نادره بتون نتيجة خلل وراثي في الميتاوبلزم )

6- االلون الاصفر الغامق خالص او البرتقالي او بالبلدي كده لون الشاي يبقي الحالة دي هي حالة الصفرا Jaundice ودي طبعا بتكون واضحة علي جسم المريض -- يعني بتلاقي لون الاوعية الدموية في بياض عينه او جلده بيكون لون اصفر .ودي اختبارها في المعمل ساهل جدا


طيــــــــــــــــــــــــــــ ــــــــــــــــــــــــــــــ ــــب ازاي اعرف عينه البول فيها صفرا ولا لا -----

تملي الانبوبه بالبول 2/3 ونضيف 3 نقط اليود علي جدار الانبوب ( طبعا الانبوبة لازم تكون شفافه علشان تشوف النتيجه ) او لو مش متوفر ممكن نستخدم صبغة اليود من الصيدلية

-- برضك لسه معرفناش النتيجه --------------- بص يا سيدي لو الصفرا موجوده بتتكون حلقة لونها اخضر عند التقاء اليود مع سطح عينه البول ( يعني الحد الفاصل بينهم )

طيب لو مفيش حلقه خضره --------------بسيطه خالـــــــــــــــــــــــــــ ــــــــــــــــــــــــص
يبقي مفيش صفراء

****************************** ****************************** *****************

رقم 4 في Physical proparties هي الكثافة النوعية للبول Specific gravity

واختصارها SP.GR. وفي بعض الاحيان بتتطلب لواحدها في حالات الفشل الكلوي المزمن

--------والطبيعي بتاعها من 1015-1025 جم/سم3 -------------------

برضك لسه معرفناش ايه هي الكثافة النوعية ( يعني مقدار تركيز المواد الصلبة في البول )
يعني كلما زادت المواد الصلبة ( زي البروتين - الاملاح- الصديد- الدم ...الخ ) تزيد الكثافة -


--- ملحوظة-- كلما زاد غمقان اللون كلما زادت الكثافة والعكس صحيح ..



طيب ازاي نتشغالها عملي ( في طريقتين واحدة قديمة والتانية جديدة )
----- القديمة تحلي ولو كانت وحله---يعني انا بصراحه بحب شغلها == تمام *****
دي بتبقي بجهاز اسمه Urinemeter عبارة عن سلندر بتتملي بالبول ( 50 مل ) وعاه مكثف
حاجه كده يعني عاملة زي الترمومتر مدرجه من 1000 --الي 1050 **

بعد ما نملي السلندر بالبول نضع المكثف عموديا بس بشرط ما يلمسش جدار السلندر وخلي بالك من درجة الحرارة حنقول لية - المهم تشوف سطح البول عند رقم كام في المكثف ودا هو الكثافة النوعية ---

احنا قلنا درجة الحرارة ليــــــــــــــــــــــــــــ ـــــــــــــــــــــة علشان احنا مفروض نقيس عند درجة حرارة 15 ------------طيب الحل اية -----بص يا سييدي الحل بسيط كل 3 درجات زيادة عن 15 تزود بيها درجة في الكثافة يعني لو انت قريتها 1015 والحرارة كانت 18 تبقي الكثافة في الاخر 1016 ---طيب لو الحرارة اقل من 15 نفس الحكاية بس تنقص مش تزود يعني لو الحرارة 12 والقراءة 1015 تبقي القراءة النهائية 1014

ودي معادلة لدرجات الحرارة الاخري

Sp.Gr At 15 C = (Room Temp.-15) / 3+ Reading


وبكده نبقي خلصنا Physical proparties ---وان شاء الله نكمل تحليل البول بعدين



يا رب يكون الشرح كويس ------------ويا ريت اللي يقرا يـــــــــــــــــــــــــــــ ـــــــرد
ولو في اي تعليق انا تحت امركم





السلام عليكم ورحمة الله وبركاته



jpgdg hgf,g( Physical proparties )


التعديل الأخير تم بواسطة سوليداد ; 05-03-2009 الساعة 01:47 AM.
  #2  
قديم 28-02-2009

الملف الشخصي
تاريخ التسجيل : Aug 2008
الجنـــــــــــس : male
مكان الإقـامـة : مصر
المشاركـــــات :  51
افتراضي chemical examination

السلام عليكم ورحمة الله وبركاته

احنا كنااتكلمنا في المرة اللي فاتت عن بقية Physical properties وخلصناها والحمد
لله ................

والنهاردة ان شاء الله حنبدأ

شرح الفحص الكيميائي

Chemical examination
وفيه حنشرح االاتي
1- Albumin
2- Bilirubin
3-Blood
4-Urobilinogen
5-Glucose
6-Acetone
7-PH

******************************
1- Albumin ألبومين ---واسمه بالعربي ( الزلال )ساعات الدكتوربيطلبه لوحدة ودا نادر
وهو بينطلب في حالات الحمل وهنقول ليه ======
وطبعاممكن الدكتور يطلبه لوحده في حالات المتابعه ( يعني لو مريض عمل تحليل بول كاملولقي عندة زلال ممكن ساعتها الدكتور يطلبه لوحده علشان يتابع )---- تمام كده


*****أول حاجه هو ممكن ينطلب ليه بص يا سيدي طبعا زيما قلنا فوق انه غالبا مش بينطلب لوحده بس احنا بنعمله من خلال تحليل البول الكامل


*****نعمله ازاي ///****** بص يا سيدي غالبا عينة البول اللي فيها نسبةزلال عالية بتكون معكرة Turbid Or Semi turbid علي حسب نسبة او تركيز الزلال \ تمـــــــــــــــــــــــام

طيب في طريقة الشرايط Combi ودي الناس كلهاعرفاها اللي فيها بندور البول في السنترفيوج وبعدين بنغمس الشريط فيها وبعدين نزيلبقية البول في الشريط ونقرا النتيجه خلال 30 - 60 ثانية طبعا لون الشريط بيتغير مناللون الاصفر الي درجات اللون الاخضر علي حسب تركيز الزلال في البول( يعني كل مااللون الاخضر بقي اغمق كلما زاد تركيز الزلال )

وفي طريقه قديمه واللي فيهابنحط البول في انبوبة شفافه وتكون انبوبه زجاج طويلة شويه ونملي2/3 منها ونسخنالجزي العلوي من البول ---- طيب ليه الجزء العلوي )

اللي يعرف يقول لي ----------------

علشان لو في زلال حتلاحظ انالعكاره اللي في البول بتزيد( عكاره لونها ابيض ) --ساعتها بقي نقدر نقارن بين درجه عكارة البول قبل التسخين وبعد التسخين -- علشان نقدر نحدد كمية الزلال ( كلما كانتالعكاره اغمق كطلما كان تركيز الزلال اعلي )

طيــــــــــــب
ممكن واحد يقولي ان العكارة دي ممكن يكون سببها حاجة تانيه غير الزلال ------اقوللك مظبوط

بس بص الشرح ----------

قفلنالو البول معك----نسخن البول ( ونشوف النتيجه )
1- لو العكارة اختفت ( يبقي العكاره عباره عن املاح اليورات او الفوسفات )
2-طيب لو زادت يبقي ساعتهادا بروتين 100% نتأكد
بايه --نتاكد بوضع نقط من Acetic Acid يكون تركيزه 3% لو زاتالعكارة يبقي بروتين

خلاص كــــــــــــــــــــده ***********:121 :

طيب انا لولقيته في البول الكلام ده معناه ايه ------ بص يا سيدي


**أولحاجه تعملها تشوف المريض دا ست ولا راجل **طيب لــــــيه
لان لوست ممكن تكون حامل وساعتها الزلال ده طبيعي يكون عندها ---برضك ليه لان الجنينبيضغط علي الكليتين ويخليها ما تتحكمش في عدم نزول الزلال ( لانه طبيعي مش مفروضينزل في البول

**طيب لو راجل او ست مش حامل الكلام ده طبعا في حالات كتيرهمنها التهاب الكلي - الفشل الكلوي -التهاب الجهاز البولي عموما ) لان الكلي ساعتهامبتقدرش تتحكم في نزول الزلال -

**طيب دا ممكن يكون طفل صغير يعني من ( سن 7 - 15سنه ) اوعي تقول لابوه ابنك عنده مشكله في الكلي زي ما حصل مع دكتور صاحبنااسمه شروفه -----يا عم ازاي ما انت لسه قايل .
******بص يا سيديالولد ده ممكن يكون عنده حاجه في الكلي صحيح بس دا مش الاحتمال الوحيد -- يعني خلي موضوع الكلي دا اخر حاجه
-برضك اكيد انت مش فاهم -* بص ياسيدي الواد دهممكن يكون عنده حاجه من دول وده اللي بيكون موجود غالبا 1- يكون عنده سخونيه ( يعنيالسخونيه تزود الزلال - اه طبعا )
2- ممكن يكون عند التهاب في اللوز ( ودا طبعابيزود الزلال بتاع البول مش الدم)


ودا تقريبا كل حاجه عن الزلال ---- واللي عاوز حاجه يقول
سلام

التعديل الأخير تم بواسطة سوليداد ; 05-03-2009 الساعة 01:53 AM.
  #3  
قديم 02-03-2009

الملف الشخصي
تاريخ التسجيل : Nov 2008
الجنـــــــــــس : male
مكان الإقـامـة : Э ģ Ұ ρ Ŧ Sant Fatima
المشاركـــــات :  22,522
افتراضي

تسلم ايدكــــ
دام الابداع
  #4  
قديم 05-03-2009

الملف الشخصي
تاريخ التسجيل : Sep 2007
الجنـــــــــــس : female
مكان الإقـامـة : ارض الله
المشاركـــــات :  18,255
افتراضي

جزاك الله خير اخى
وننتظر بقية الموسوعة
  #5  
قديم 09-03-2009

الملف الشخصي
تاريخ التسجيل : Jun 2008
الجنـــــــــــس : male
مكان الإقـامـة : ƬĦΣЯΣ$ ηδ ΣS¢∂Pє ƬĦΣЯΣ
المشاركـــــات :  2,290
افتراضي

ايه الحلاووووه دى يا عمرو روعه والله

تسلم يا قلبى
  #6  
قديم 10-03-2009

الملف الشخصي
تاريخ التسجيل : Oct 2006
الجنـــــــــــس : male
مكان الإقـامـة : والله يا بنى منا شايف
المشاركـــــات :  2,736
افتراضي

تسلم ايدك
بجد توبيك روعه
  #7  
قديم 10-03-2009

الملف الشخصي
تاريخ التسجيل : Aug 2007
الجنـــــــــــس : female
مكان الإقـامـة : EL Mansoura
المشاركـــــات :  58,541
افتراضي

توبيك اكثر من رائع
شكرا للتحليل
وشكرا للشرح الوافى جدا
  #8  
قديم 14-03-2009

الملف الشخصي
تاريخ التسجيل : Aug 2008
الجنـــــــــــس : male
مكان الإقـامـة : مصر
المشاركـــــات :  51
افتراضي

متشكر يا جماعة على ردكم وسورى على التأخير فى الرد انا لسه راجع من السفر
  #9  
قديم 14-03-2009

الملف الشخصي
تاريخ التسجيل : Aug 2008
الجنـــــــــــس : male
مكان الإقـامـة : مصر
المشاركـــــات :  51
افتراضي Bilirubin

السلام عليكم ------------------ بعد الغيبه رجعت تاني

كنا اخر مره اتكلمنا علي الزلال ِِAlbumin

المره دي ان شاء الله هنتكلم عن البيليروبين Bilirubin في البول

طيب هو ايه البليروبين اللي بتقول عليه ده ؟

البليروبين باختصار هو ناتج تكسير كرات الدم الحمراء ونشرحه بالتفصيل ان شاء الله في تحليل البليروبين في الدم .وهو عبارة عن حاجه طبيعية موجوده في الدم ونسبته متعديش الواحد الصحيح مجم/ ديسيلتر.
ولو عدت النسبه الواحد نسمي الحالة Hyperbiliubinaemia

اما لو عدت 2.5 ساعتها نسميها مرض الصفراء او اليرقان بالعربي Jaundice

تمام كده------------------------------------------نيجي بقي للعملي


طبعا التحليل ده مبينطلبش لوحده الا نادرا واحنا طبعا بنعمله في تحليل البول الكامل

المهم انك في المعمل لو بتشتغل بالشرايط يبقي كده كده كل عينه هتشوف فيها صفرا ولا لا

يبقي لو الشريط عطا ايجابي يبقي في بيليروبين في البول

-- الطريقة التانية وهي القديمه لكنها تستخدم للان ---------------------

طبعا مش كل عينه هنعماها الاختبار ده -------------------------

طيب امال بتعمل لانهي عينه

بصوا يا جماعه العينه اللي نشك ان فيها صفرا لازم نعملها اختبار الصفرا --طيب امتي اشك

تشك لما تبقي دبوس ------ بهزر

بص يا سيدي لما يكون لون البول قريب من لون الشاي ( اي درجه من درجاته )

نملي تلتين انبوبة زجاج بالبول بعد ما يدور في السنترفيوج وبعديـــــــــــــــــــــــــ ــــن

نحط علي جدار الانبوبه ( يود او صبغة يود من الصيدليه )

تلت او اربع نقط ---------------طيب هتشوف الاتي

1- لو سلبي لون البول هيبقي زي ما هو واليود هينزل تحت ويختلط بالبول

2- لو ايجابي يبقي هتشوف عند ىالتقاء البول باليود تكون حلقه لونها اخضر

كلمـــــــــــــــــــــــــته اخيـــــــــــــــــــــــــــ ــــــــــــرة

لو لقيت البليروبين موجوده في البول يبقي دي النوع الماشر من الصفرا

لان النوع الغير مباشر مبينزلش في البول

وهنشرحهم بالتفصيل في تحاليل الدم ان شاء الله

التعديل الأخير تم بواسطة amrelsharkawy ; 14-03-2009 الساعة 08:53 PM. سبب آخر: حجم الخط
  #10  
قديم 08-06-2009

الملف الشخصي
تاريخ التسجيل : Jun 2008
الجنـــــــــــس : male
مكان الإقـامـة : مصر / كفر الشيخ
المشاركـــــات :  3,678
افتراضي

مشكور........مشكور..........مشكور................مشكور
مشكور........مشكور..........مشكور..........مشكور....مشكور
مشكور........مشكور..........مشكور..........مشكور........مشكور
مشكور........مشكور..........مشكور..........مشكور...........مشكور
مشكور........مشكور........ابو النجوم.........مشكور.............مشكور
مشكور........مشكور..........مشكور..........مشكور...........مشكور
مشكور........مشكور..........مشكور..........مشكور......مشكور
مشكور........مشكور مشكور مشكور مشكور مشكورمشكور
مشكور........مشكور مشكور مشكور مشكور مشكور
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل لعبة كابتن كلاو - تحميل لعبة claw - لعبة captin Claw Lopez تحميل العاب كاملة 2017 - تنزيل العاب 2017 12 05-10-2014 10:47 PM
تحميل العاب اتاري قديمه - العاب اتاري زمان - تنزيل العاب اتاري Lopez تحميل العاب كاملة 2017 - تنزيل العاب 2017 10 13-04-2014 06:27 PM
تحميل لعبة قاتل الغرباء والوحوش Oddworld Strangers Wrath VEGo تحميل العاب كاملة 2017 - تنزيل العاب 2017 3 26-09-2012 07:56 PM
لعبة Mass Effect 3 . تحميل لعبة الاكشن والقتال المرعبة Mass Effect 3. تحميل لعبة Mass Effect 3 VEGo تحميل العاب كاملة 2017 - تنزيل العاب 2017 3 20-09-2012 10:25 AM
تحميل فوتوشوب adobe photoshop cs6 extended edition Lopez منتدى سلة المحذوفات 7 03-09-2012 02:54 PM


الساعة الآن 03:52 AM.


vBulletin® v3.8.8 Alpha 1, Copyright ©2000-2019
جميع الحقوق محفوظة لمنتديات كذا ميزا
تحميل العاب كاملة 2013 تحميل برامج كاملة 2013 تحميل نسخة ويندوز تحميل خطوط جديدة 2013 العاب موبايل جديدة 2013
تحميل العاب 2013 وداعا لقطع النت بوستات حب كلام عتاب اكواد كول تون موبينيل 2013
تردد قناة الناس رسايل صور فلانتين تحميل لعبة gta san andreas اتارى زمان
نكت على البنات الحمل في المنام تحميل لعبة سبايدر مان كلام رومانسى حزين تحميل فايرفوكس 2013
مصراوي جيكس نكت قبيحة تحميل لعبة ميدل تحميل لعبة سبايدر مان 2 نسخ ويندوز 2013

Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110