المجلة المنتدى التحكم التسجيل اتصل بنا

صحة - طب بديل - تغذية - العلاج بالأعشاب صحة - طب بديل - تغذية - العلاج بالأعشاب - معرفة الامراض المنتشره وكيفية التعامل معها

إنشاء موضوع جديد  إضافة رد
 
أدوات الموضوع
  #1  
قديم 15-10-2008

الملف الشخصي
تاريخ التسجيل : Dec 2007
الجنـــــــــــس : male
مكان الإقـامـة : كانت بلدى
المشاركـــــات :  2,459
5forbidden لو متفائل ادخل هنا

الغش في كل مكان
لو كنت متفائـل أكثر من اللازم.. أنصحك بعدم قراءة الرسـالة دي بكل براءة عملت موضوع عن اللبن المغشوش المضاف إليه بودرة سيراميك و سماد اليوريا و زهرة غسيل و الخ الخ الخ.. قام واحد كتّر خيره شكله كده عالم ببواطن الأمور رد الرد التالي:
هيّ المشكلة في اللبن ؟
خد عندك
- اللبن النيدو المصري مضاف اليه دقيق- عن تجربة عملية - خصوصا البتاع الصغير بتاعو ابو جنيه وربع- عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين.. وسلامي للحاج فرغلي




**********



اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح..







**********




- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه
الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.

**********

- علب الزيت الـ1 كيلو بتاع القلي ام 6 جنيه و7 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه






**********





- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف




**********




- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.. سلام كبير اوي لفلاتر تانكة

**********

- سمك المزارع السمكية..بياكل دم ومخلفات عمليات الذبح عشان يكبر بسرعة







**********




- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح






**********





-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95






**********





- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع






**********


-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان







**********



- اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..)-




**********



عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟)






**********



- صابون غسيل الوجه وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها

**********

السادة بقي ضرّيبة المخدرات (طالما بنتكلم عن الغش التجاري باعتبارهم مستهلكين هم كمان):
- الحشيش..مش حشيش ولاحاجة ده عجينة من الحنا واللبان الدكر ونسبه بسيطة لاتتجاوز .,4 من الكميه والزيت اللي ع الحشيش ده مش زيت دخ ماكستون فورت ..
في الاخر .. كلها اعشاب طبيعيه

- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات

- البودرة.. مش بودرة بردو.. دي اقراص ريفو مطحونة ..كل 10 اقراص عليهم قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين) وقسم وبيع تذاكر يامعلم .. كلها ادوية صداع

**********

انتهى الكلام و انتهى معاه كل ثقة لي في اي حاحة في البلد دي.. اي حاجة اي حاجة.. حتى في نفسـي



g, ljthzg h]og ikh

  #2  
قديم 15-10-2008

الملف الشخصي
تاريخ التسجيل : Sep 2007
الجنـــــــــــس : male
مكان الإقـامـة : المنصوره
المشاركـــــات :  1,976
افتراضي

شكرا على المعلومات
تسلم ايديك
  #3  
قديم 15-10-2008

الملف الشخصي
تاريخ التسجيل : Aug 2007
الجنـــــــــــس : male
مكان الإقـامـة : .........
المشاركـــــات :  9,321
افتراضي

توبيك روعه ومعلومات روعه
تسلم ايدك
  #4  
قديم 15-10-2008

الملف الشخصي
تاريخ التسجيل : Dec 2007
الجنـــــــــــس : male
مكان الإقـامـة : كانت بلدى
المشاركـــــات :  2,459
افتراضي

شكرا على المرور الجميل
  #5  
قديم 15-10-2008

الملف الشخصي
تاريخ التسجيل : Jun 2008
الجنـــــــــــس : male
مكان الإقـامـة : بلدي أم الدنيا مصر
المشاركـــــات :  23,814
افتراضي

موضوع رائع
تسلم ايدك
  #6  
قديم 15-10-2008

الملف الشخصي
تاريخ التسجيل : Aug 2007
الجنـــــــــــس : female
مكان الإقـامـة : EL Mansoura
المشاركـــــات :  58,541
افتراضي

شكرا لمعلوماتك ربنا يسترها
  #7  
قديم 16-10-2008

الملف الشخصي
تاريخ التسجيل : Dec 2007
الجنـــــــــــس : male
مكان الإقـامـة : كانت بلدى
المشاركـــــات :  2,459
افتراضي

شكرا على المرور الجميل
  #8  
قديم 16-10-2008

الملف الشخصي
تاريخ التسجيل : Dec 2007
الجنـــــــــــس : male
مكان الإقـامـة : المنصوره MaNs
المشاركـــــات :  870
افتراضي

انا دخلت متفائل طلعت كاره الدنيا
شكرررررررررررررا علي التوبيك
  #9  
قديم 16-10-2008

الملف الشخصي
تاريخ التسجيل : Oct 2005
الجنـــــــــــس : male
مكان الإقـامـة : المنصوره
المشاركـــــات :  112
افتراضي

شكرا يا عم علي الموضوع ده وانته كده هتخليني ما اشتريش اكل من عند زيزو تلوث ولا سيد القزر بقي الواحد مش ناقص
  #10  
قديم 16-10-2008

الملف الشخصي
تاريخ التسجيل : Dec 2007
الجنـــــــــــس : male
مكان الإقـامـة : كانت بلدى
المشاركـــــات :  2,459
افتراضي

اقتباس:
المشاركة الأصلية كتبت بواسطة mido_spy2009 مشاهدة المشاركة
انا دخلت متفائل طلعت كاره الدنيا
شكرررررررررررررا علي التوبيك
معلش ياجميل حقك عليا
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
غير مسجل ادخل طلع بطاقة كذا ميزا (بدون ميل ولا موبايل من فضلك) Lopez منتدى التعارف والترحيب والتهاني 8368 06-05-2016 11:49 PM


الساعة الآن 05:11 PM.


vBulletin® v3.8.8 Alpha 1, Copyright ©2000-2019
جميع الحقوق محفوظة لمنتديات كذا ميزا
تحميل العاب كاملة 2013 تحميل برامج كاملة 2013 تحميل نسخة ويندوز تحميل خطوط جديدة 2013 العاب موبايل جديدة 2013
تحميل العاب 2013 وداعا لقطع النت بوستات حب كلام عتاب اكواد كول تون موبينيل 2013
تردد قناة الناس رسايل صور فلانتين تحميل لعبة gta san andreas اتارى زمان
نكت على البنات الحمل في المنام تحميل لعبة سبايدر مان كلام رومانسى حزين تحميل فايرفوكس 2013
مصراوي جيكس نكت قبيحة تحميل لعبة ميدل تحميل لعبة سبايدر مان 2 نسخ ويندوز 2013

Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110