ده حوار تامر على نجوم اف ام فى البرنامج ده بتاع موبينيل

Lopez · #1 23-01-2007, 12:00 PM

الحوار بتاع تامر النهارده على نجوم اف ام شوفوا قد ايه كان كلامه طالع من قلبه وقد ايه انسان محترم ومتواضع هما فى الأول قالوا عن جوايزه ومنها ان ألبوم عنية بتحبك حقق أعلى ارباح فى السنة كلها وكان ده فى مهرجان دبى وجائزة حب الجمهور من مهرجان الغنية البحر المتوسط تكريم مجلة الكواكب وحصوله على نجم 2007 وتكريمه فى برنامج نجوم السما أقربلك لمجدى كامل على نجوم اف ام وبعدين سجله معاه يوم حفلة دير جيست تامر قال طبعا انا عايز أبارك للأستاذ نصر محروس ان كليب عنية بتحبك خد جائزة أحسن كليب وبقوله ألف مبروك انت عملت العمل باحساس جامد وان شاء الله نبقى مع بعض دايما وناخد جوايز متقدمة ومش شرط الجوايز المهم تبقى فى محبة ونعمل حاجات كويسة أكرم قال الفنان تامر حسنى حمدلله على سلامتك والف ألف مبروك على التكريم أحسن مطرب 2006 أحسن فيديو كليب وأحسن فيديو كليب على نجوم اف ام تامر ربنا يخليك يا أكرم وألف مبروك لينا جميعا وأنا مبسوط جدا بالجوايز اللى انا حصلت عليها وطبعا ده رضا ربنا عليا ورضا أمى وجمهورى الحبيب المخلص اللى وقف جمبى يعنى أكرم عايز أقولك ان جمهرك انته وحشته بشكل مش طبيعى ده من خلال الرسايل اللى بتجلنا والتليفونات بيقولوا تامر حسنى عايزينه فى أقرب فرصة فاحنا بنقول حفلة تامر حسنى فى عيد الحب ان شاء الله تامر اللى حصل ان فى دعايا نزلت بأيام مختلفة بس بتحصل ظروف بتخلينا نأجلها لغاية لما يبقى فى ميعاد أحسن وفى مناسبة أحسن وفى مفاجئات فى الحفلة أكتر وان شاء الله تبقى يوم 14/2 عيد الحب يعنى اللى جاى فى قاعة المؤتمرات فى الحديقة الصينية الساعة7 أكرم تامر كان شعورك ايه فى التكريم النهارده أحسن مطرب وأحسن فيديو تامر أنا بقول الحمدلله طبعا وربنا عالم انى تعبت وأنا بتعب فى شغلى جدا وجمهورى يعنى مش عايز أقول جمهورى الكلمة دى بتضايقنى ومش بتريحنى أنا عيز أقول اخواتى وقفوا جمبى فمينفعش يبقى اسمهم جمهور هما اخوات حبايب وقفوا معايا على السايت بتاعى وعلى كل السايتات اللى اتعملتلى بشكرهم جدا جدا والناس اللى بتتصل علشان يقولوا ان تامر كويس وبيدفعوا من جبهم علشان يقولوا ان تامر كويس دى حاجة مينفعش نعديها كده يعنى ناس تدفع علشان تقولى انت كويس دى حاجة جميلة جدا من الناس وبقول الحمدلله مفيش حاجة أحسن من انى أقول الحمد لله أكرم تامر فى ايه جديد راجع لينا بيه ان شاء الله تامر فى فيلم عمروسلمى وفى شريط جديد هينزلوا فى الصيف ان شاء الله أكرم تامر حسنى انت نورتنا وألف ألف مليون مبروك وخليك معانا وميحرمناش منك تامر وميبعدنيش عنكم وما يحرمنيش منكم أكرم طيب قولهالهم بصوتك تامر حبيبى النهارده لازم تعرف حبك عاملى جنان أنا بحبك بحبك حب محبوش انسان وأه يا حبيبى وحياة أغلى حاجة عندك ومايحرمنيش منكم وما يبعدنيش عنكم أكرم ولا يحرمنا منك ياتامر ونورتنا على الهوا تامر ربنا يخليك يا اكرم وأنا بحب نجوم اف ام وبحب جمهورى الحبيب المخلص الوفى ربنا يكرمهم يارب وكلحد دعالى دعوة ربنا يعودهاله بعشر أمثالها بازن الله بعد كده شغلوا اغنية ما يحرمنيش منك وبعدين سألوه عن الناس اللى بيتعامل معاهم طبعا قال نصر محروس وهادى عادل وقال كل الأسامى وقال أنا خايف أنسى حد ياريت مفيش حد يزعل منى لو نسيت اسمه وكانوا مستضفين تميم وتامر قال ان تامر على اللى بيشتغل معاه هيعمل شغل جامد السنة دى اكرم تميم وتامر بيتكلم عليك كده أكيد دى مسئولية يعنى يكون فى حاجات احسن من اللى فات تميم بصراحة تامر فنان جميل وغصب عنك حتى لو اى موزع هيشتغل مع تامر لأنه حاجة حلة فنان بينقط موهبة أكرم بشكركم جدا جدا فى وجودكم معايا على نجوم اف ام وان شاء الله مستنين الجديد وبعدين سألوا تامر عن مامته قال لأ أمى دى يعنى كلام الدنيا كله قليل عليها وقد ايه هى غالية عندى ربنا يخليهالى يارب ربنا ما يحرمنى منه أبدا