اخبار الفن - اخبار النجوم - اخبار الوسط الفنى اخبار الفن, اخبار النجوم, اخبار المشاهير, اخبار المطربين, اخبار المطربات, محبيين عمرو دياب, تامر حسنى

إضافة رد
 
أدوات الموضوع
  #1  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
secret464 // شـــرح ومعانـــــى بعـض اغانــــى الملكـ محمـــد منيــــر //



السـ،ــلام عليـ،ـكم ورحمـ،ــة الله وبركاتــ،ــه

شـــرح ومعانـــــى بعـض اغانــــى الملكـ محمـــد منيــــر

ازيكمـ يا منايـررة ؟؟؟؟

عامليـن ايه ؟؟؟

انا عارفـة ان كتير بيحب منيـر وبيحب يسمعله

لكن بتقف معاه بعض معانى فى اغانى الملكـ

وبيبقي عايز يعرف هو الملكـ قصـده ايه بالاغنيـه دى


شـــرح ومعانـــــى بعـض اغانــــى الملكـ محمـــد منيــــر


عشان كده فى التوبيك ده انا جمعتلكم

مجموعه من معانى وشروحات لاغانى منيـر

وشكر خاص لكل من قام بشرح هذه الاغانى

وان شاء الله هنبتدى من الرد الجاى


شـــرح ومعانـــــى بعـض اغانــــى الملكـ محمـــد منيــــر



LL aJJJvp ,luhkJJJJJn fuJq hyhkJJJJn hglg;J lplJJJ] lkdJJJJv LL

  #2  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي


اغنيه شتـــا







بعد ما ادى وبعد ما خد
بعد هد وبنى واحتد
شد لحاف الشتا من البرد
بعد ما لف وبعد ما دار
بعد ما هدى وبعد ما ثار
بعد ما داب واشتاق واحتار
حط الدبلة وحط الساعة
حط سجايرة والولاعة
علق حلمة على الشماعة
شد لحاف الشتا على جسمة
دحرج حلمة و همة واسمة
دارى عيون عايزين يبتسمو
الى قضى العمر هزار
والى قضى العمر بجد
شد لحاف الشتا من البرد



شتا تتحدث عن الموت
هنا بيوصف الشاعر الحاجات اللي الانسان عاده بيعملها في حياته انه بيدي و ياخد سواء في الكلام او في اشياء عينيه و بعد ما هد و بني و احتد انو بيهد احلام و بيبني احلام و بيعلن الحداد في حاله الحزن و ده طبعا يقصد بيها الافعال اللي بنفعلها طول حياتنا


شد لحاف الشتا من البرد
و هنا بقي يظهر معني الاغنيه الداكن انو هنا بيقصد بالحاف انو الكفن و بيوصف الدنيا بالبرد و اتو هايتغطي من البرد اي مش هايحس بالبرد تاني يعني مش هايحس بالدنيا تاني


بعد ما لف و بعد ما دار بعد ما هدي و بعد ما ثار بعد ما داب و اشتاق و احتار

ان الانسان طول حياته بيلف و يدور و كتير بيكون هو السبب في هدوء ناس ثايره و في نفس الوقت هو نفسه بيثور في اوقات تانيه و داب في حب و اشتاق للحب ده و احتار في امور كتير و برده هنا بيكمل وصف الحالات النفسيه اللي بنمر بيها في حياتنا

حط الدبله و حط الساعه حط سجايره و الولاعه علق حلمه علي الشماعه


حط الدبله
و هنا يقصد بالدبله الانسانه المرتبط بيها .. خلع دبلتها انه انفصل عنها
حط الساعه
و يقصد بحط الساعه هنا الوقت انو حط الساعه فا خلاص مفيش وقت اي الوقت وقف خلاص لأن اي حد بيموت بيكون الوقت عنده متوقف لأخر لحظه عشاها
حط سجايره و الولاعه
و هنا يقصد بسجايره و الولاعه النفس توقف و بيشبه النفس بسجايره و الاكسجين بالولاعه اي الحاجه اللي بتخلي السجاير تشتغل زي ما الاكسجين بيخلي النفس يشتغل


علق حلمه علي الشماعه
و هنا يقصد ان خلاص مافيش احلام لأن لما الانسان بيموت بتموت معاه احلامه لأنها مستحيل هاتتحقق و شبهها بالشماعه انها خلاص هاتكون متجمده و خارجه من تفكيره


شد لحاف الشتا على جسمة
دحرج حلمة و همة واسمة
دارى عيون عايزين يبتسمو



شد لحاف الشتا علي جسمه اي شد كفنه علي جسمه و قال كلمه جسمه لأنه يقصد ان الجسم بيكون عاري
دحرج حلمه و همه و اسمه كلمه دحرج يقصد بيها انو بعد عنه حلمه و همه اللي في الدنيا و اسمه انو اسمه لن يكون له اي علامه او ذكر بعد اليوم
داري عيون عايزين يبتسمو يقصد بيها ان الناس اللي بتحبه و القارب ليه برغن انهم عايزين يبتسمو الا انهم مش هايعرفو يبتسمو و ابتسامتهم هتختفي


الى قضى العمر هزار والى قضى العمر بجد
شد لحاف الشتا من البرد


افتكر ان المعني هنا بقي واضح و انو يقصد ان كل الناس مهما عملت من هزار او جد طول حياتها لازم هايجيلها وقت و تشد لحاف الشتا من البرد
  #3  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي


اغنية شبابيك



فى حفلة رمضان الاخيرة الملك قال ان الكاتب اغنية شبابيك كان ساعتها فى المعتقل
و هو الشاعر الكبير مجدى نجيب ندخل فى الشرح

هو فى الاغنية دى بيكلم الوطن


(شبابيك الدنيا كلها شبابيك وسهر و الحكاية و الحواديت كلها دايرة عليك)

عشان هو كان محبوس فكل الشايفو اودامو شبابيك وكل السجن حكايات عن الوطن و همومه

(الكلام كان كان عليك والكان خايف عليك انتهى من بين اديك)

يقصد الكلام كان عالوطن و هو كان خايف عالوطن لما قال الكالام الدخلول السجن و هو انتهى بين ايد الوطن

(دى عنيك شبابيك الدنيا كلها شبابيك)

يقصد ان عنيه البيشوف بيها بره مكان الحبس هو مجرد شباك

(سرقت عمرى من احزانى سرقتوا لكن ما جانى)

قصدوا ان حزنه اكتر من عمره وسرق عمره من حزنه لكن ما جالوش

(ولا حد شاف فين مكانى ورا ال شبابيك)

محدش عرف مكانه جوا ال سجن

(غيرت ياما كتير احوالى و انا كنت عاشق و كان يحلالى)

حاول انه يتكيف على جو السجن و هو عاشق لمصر و كان يحلالوا انو فالسجن

(احب بس يكون حلالى ورا الشبابيك)

هو عايز متطلبات البنى ادم الشرعية و حقوقه داخل السجن

(انا بعت الدموع و العمر ... طرحت جناينى فى الربيع الصبر )

هو باع عمره و دموعه و احزانه جابت جناينى فى الربيع و عشان الجناينى يصبر لحد ما الورد يفتح فا هو قصدوا انو صابر لحد ما يخرج من السجن

(و قولت انا عاشق سقونى كتير المر ورا الشبابيك)

كان بيقول جوا السجن انو عاشق لمصر و خلوه يشوف المر و العزاب جوه السجن


  #4  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي




اغنيه شجر الليمون









بيني وبينك احزان ويعدوا


بيني وبينك ايام وينقضوا


وشجر الليمون دبلان علي ارضه


شجر الليمون دبلان علي ارضه






شجر اللمون هي من أغاني التهجير بمعنى انها من الأغاني اللي كانت بتشكي من التهجير اللي بدأ في عصر الانفتاح و خلى الناس تسافر بره و تتهجر و حتى اللي كان مابيسافرش بشخصه سافر بفكره و قلمه و ضاع الانتماء و تبددت الهوية المصرية .


شجر اللمون بالخصوص معروف بانه عمرة طويل جداً و مابيدبلش ابدا ولا يبطل يزهر طول السنة, ولما كانت بداية الأغنية "شجر اللمون دبلان على أرضه" قصد منير انه يبين قد ايه شوق الأرض لأولادها و شوق الناس لأحبابهم المتغربين
  #5  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي


اغنيه غريبه ومش غريبه





بيوصف الدنيا ممكن تبقي معاك وفجأة كل شيء يتحول ويتغير
بيوصف أن الدنيا تكون معنداكوبعدين الحال يتغير
غريبه ومش غريبه
اني اكون ويا الحبيبه
دنيا مبتسمه ورحيمه




وفجأه اكون زى القلوع

ساعة الغروب مروحين
بلا شطوط ولاحنين

يعني الدنيا تكون شايفها جميلة وبعدين تتغير ذي القلوع في وقت الغروب


غريبة
ومش غريبة
أني أكون في لحظة مخيفة
خبر كان وسط الصحيفة
وفجأة أكون ذيالسطور
ذي السطور المليانيين
بحجات كتيرة منورين


يعني أكون لوحدي ومهملوفجأة يتحول الأهمال لاهتمام ..ذي السطور المليانيين بحجات كتيرة منورين
أحليجزء في الأغنية,وأنطفي في الحال ..من غير سؤال..

يعني أتغير وأستغرب بدون سؤالنفسي ...فهو حال الدنيا
غريبة ..ومش غريبة

  #6  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي



اغنيه برج حمام





أنا قلبي برج حمام هج الحمام منه


في الاغنية دي بيوصف حالتة و قد ايةهو مهموم

وبيوصف قلبة ببرج الحمام وبيوصف برج

الحمام من غير حمام و طبعا بكدة اصبح البرج ملوش لازمةكذلك

قلبة اصبح وحيدا بدون حب .



ياللي فعنيكي كلام ليه الضلوع أنوا


وبيعتب علي حبيبتة اللي سابتة و بيقولها

شايف في عنيكي كلام و معاني من قسوته معلية خلت ضلوعه تحس

بالالم و هو تشبية فية قمة الحزن و الوجع ,


أناقلبي كان شباك بس الهوا شباك يا بكره باستناك ليك العيونحنوا


بيوصف منير قلبة بالشباك يعني قلبة مفتوح و متسامح و طيب

بس الهوا شباك يعني مش بايدي اني امنع قلبي من الحب و بيخاطب

بكرة كأنة حبيب و بيقولة يا بكرة بستناك ليك العيون حنوا .


يا حبيبتي قلبي فانوس بس الغنا محبوس بكره

اللي جاي شموس و عينيك يتحنوا



يا حبيبتي انا قلبي منور


زي الفنوس بس الغنا و الفرحة مكتومة جوايا,



بكرة اللي جي شموس و معناه


انة رغم كل الام اللي حاسس بيها إلا انة متمسك بالامل في بكرة و


بيقول بكرة اللي جي شموس و عنيكي يتحنوا و يقصد عيون حبيبتة

اللي لسة مش عارفها , الشمس لمابتيجي علي العين بتحمرهاو عين

حبيبتة بتاخد لون الحنة الاحمر
  #7  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي


اغنية علشان يشبهلك



علشان يشبهلك
علشان يشبهلك يا حبيبتي
علشان يشبهلك حبيتو
كان نفسي أناديلك
يا حبيبتي
كان نفسي أناديلك
وناديتو

بيتخيل الحبيب حبيبته في الطفل الي جه منها قبل موتها و اد ايه هو شبها لدرجه انه بيتخيله أمه علشان كده بيحبه
و لما بيكون نفسه يندلها بيغلط و يناديله هو

كان نفسي أناديلك أشكيلك
أسمع منك أبكيلك

هنا طبعا بيتمنا انه ينادي حببته و بيشكلها همومه و يسمع منها رايها زي ما كان بيحصل زمان

كان نفسي أنورلك قمري
وأعملك بإيديا الشاي
أحكيلك في الليل حكاياتي
و أغني لعنيكي بناي
كان نفسي أضمك و بقوة
أضمك إنت مش هو

هنا بيحن الحبيب للأيام الي كان بيقضيها مع حببته و اد ايه نفسه ترجع الأيام ده من تاني و يعملها بأديه الشاي
و يحكلها في الليل الحكايات زي الطفل الصغير و يغني لجمال عنيها و قد ايه هو مشتاق انه يضمها لصدره يضمها هي مش ابنها

كان نفسي وجريت أيامي
وخدني البحر و وداني


كان نفسه في حاجات كتير بس العمر جري و الدنيا خدته لأماكن كتيييييير


  #8  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي


اغنيه سو ياسو




اغنيه تحمل معاني ذات ابعاد سياسيه

سو : يامصيبتي بالصعيدي...و(منير) هنا بيحكي على حال البلد...يامصيبتي عاللي حصل في بلدي......حبيبي:الشعب..
حبسوني:كبتوني وقتلوا احلامي وسجنوا حريتي وسجنوني انا شخصيا..



حبيبي عايزله سكر منين اجيبله سكر,,

السكر:الاكل والرزق

حبيبي عايزله سكر منين اجيبله سكر باب الحكومه مسكر ,,
باب الحكومه مقفول عن انه يدي الشعب قوته ...


الترتر:



الجمال والذي يتمثل في الثقافه والنور والعلم..

ده الواد بياع الترتر حبسوني وحبسوه المثقف الجرئ
المرايه:




المرايه بتشوف فيها نفسك..مميزاتك بعيوبك...ولما تيجي تنقد حالك....ولما تيجي تنقد الحال المخزي اللي ف بلدك والناس الكبيره يعرفوا بالحكايه....يبقى الحال (حبسوني وحبسوه)...


اللولي:



اللولي غالي والغالي لازمله فلوس..دول سرقوا اللولي يالولي...البنوك اتقلبت والبطون امتلئت من حق ومال هذا الشعب اللي اتسرق...


.الياسمينه:



الياسمين في كثير من الثقافات رمز للامل واتنظار الغد...

لان الياسمين من الازهار اللي بتفتح مره واحده ...ومبستغرقش وقت في ذلك كما
حال كثير من الازهار..
لذلك شاع من الحكايه دي المثل ...اللي بيحكي قصة الراجل اللي سال الفلاح قالله مستني ايه.....
قالله مستني الياسمين يفتح....(واقف ليه في الشباك بستنى اليوم الجاي)...
يعني مستني الامل وان الغد يكون افضل....دول علوا السور علينا حبسوني وحبسوه...
علوا سور الحلم والامل علينا..وحتى احلامنا وامالنا بيغتالوها...







وسر هذا اللحن السريع الراقص هو السخريه من هذا الوضع السياسي الراهن
  #9  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي



اغنيه واشرى



لا لا ووه كدودة.....لا ياصغيرة
ايجا كير ناليه...... طللي عليا وشوفيني
هارب السي ويراني ني..... دايما بتهربي مني
ايجا كير ناليه ..... تعالي وشوفيني

ايجانامي وليه سوني......دايما بتبعدي عني
ايجانانا جيسكو ني....... دايما مكسلة عني ما بتهتميش بيه
ايرنوكسي نهار دوت...... من نهار مانتي مشيتي
شورتي وايا فينا ..... مش عارف اتلم على روحي


ايكاننا فرجي ريه ..... انا عايزك دايما معايا
اندمولنا فيرجريه.....انا عايزك دايما جنبي
ايرنوكسي نهار دوت.... من نهار مانتي مشيتي
شورتي وايا فينا ..... وروحي طايرة مني

لا لا والف لا
عشق وميل واه يا ليل
  #10  
قديم 03-05-2010

الملف الشخصي
تاريخ التسجيل : Nov 2008
الجنـــــــــــس : female
مكان الإقـامـة : Ŧħә woŕld of MounЇŕ
المشاركـــــات :  6,709
افتراضي



اغنيه الله لون يا لون




الله لون يا لون
لونا يا لو لونا
تينالو تيارا.... في الغرب تيارات (تيار مائي) وهو قصده هنا على يمينه بس (تينا) معناها الغرب
متالوج ليانا.... في الشرق لين(طين ) وقصده على شماله
جاسكلوب موج موجا.... وفي النص امواج كتير
سِكري كاتويا.... ازاي حقدر اعدي لك

وينجي ويكا ناري....انا شايف نجمه
ادين جوبال ناري.....اهيه قصادي شايفها
وايا جوري فامي.... عقبال ما اقوم اروح لها
وينجي را وايونا.....النجمة كانت اختفت

الله لون يا لون
لونا يا لو لونا

الله لون يالون
لونا يا لو لونا
إضافة رد

الكلمات الدلالية (Tags)
محمـــد, منيــــر, الملكـ, اغانــــى, بعـض, شـــرح, ومعانـــــى

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:34 PM.



Content Relevant URLs by vBSEO

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110